இளையதளபதி விஜய் நடிப்பில் அட்லி இயக்கத்தில் கடந்த வருடம் வெளியாகி சக்கைபோடுபோட்ட திரைப்படம் ‘மெர்சல்’.வசூலில் மாபெரும் சாதனை படைத்த ‘மெர்சல்’ திரைப்படம் வரும் பொங்கலன்று ஜீ தமிழ் தொலைக்காட்சியில் ஒளிபரப்பாக இருக்கிறது.வெளியாகி நூறு நாட்கள் கூட முடிவடையாத நிலையில்  திரைப்படம் தொலைக்கட்சியில் ஒளிபரப்பபடுவது ரசிகர்களிடையே பெரும் வருத்தத்தை ஏற்படுத்தியுள்ளது.இத்தனைக்கும் கடந்த வருடம் வசூல் செய்த படங்களில் மெர்சல் திரைப்படம் இரண்டாவது இடத்தை பிடித்திருந்தது.

இந்த நிலையில் மெர்சல் 100-வது நாளை பிரம்மாண்டமாக கொண்டாட பிரபல திரையரங்கான ரோஹினி தியேட்டர் நிர்வாகத்தினர் திட்டமிட்டுள்ளனர். இதனால், இந்த வருட மெர்சல் பொங்கலாக கொண்டாட ரசிகர்கள் ஆர்வமாக இருக்கின்றனர்.

‘மெர்சல்’ படத்தை மீண்டும் படத்தை திரையரங்கில் வெளியிட இருக்கின்றனர். அதற்காக இதுவரை படத்திற்கு 500 டிக்கெட்டுக்கள் விற்றிருப்பதாக அத்திரையரங்க உரிமையாளர் ரேவந்த் சரண் தன்னுடைய ட்விட்டரில் பதிவு செய்துள்ளார்.

சில வாரங்களுக்கு முன்பு மெர்சல் படத்தின் 50-வது நாள் விழா இந்தத் திரையரங்கில் ரசிகர்களால் பிரம்மாண்டமாக கொண்டாடப்பட்டது குறிப்பிடத்தக்கது. இந்நிலையில் ‘மெர்சல்’ தொலைக்காட்சியில் ஒளிபரப்பாகும் சமயத்தில் 100-வது நாள் ஷோ தியேட்டரில் திரையிடப்படுவதல் விஜய் ரசிகர்கள் உற்சாகமாகி உள்ளனர்.

LEAVE A REPLY

Please enter your comment!
Please enter your name here